អន្តរជាតិ៖ ខ្មាន់កាំភ្លើងជនជាតិអារ៉ាប់ម្នាក់បានសម្លាប់មនុស្សយ៉ាងតិចប្រាំនាក់នៅតំបន់ជាយក្រុង Tel Aviv កាលពីថ្ងៃអង្គារ ទី២៩ ខែមីនា មុនពេលគាត់ត្រូវបានគេបាញ់សម្លាប់នៅក្នុងការវាយប្រហារដ៏សាហាវលើកទីបីនៅក្នុងប្រទេសអ៊ីស្រាអែលក្នុងរយៈពេលមួយសប្តាហ៍នេះ។

នាយករដ្ឋមន្ត្រីអ៊ីស្រាអែលលោក Naftali Bennett បានសរសេរនៅលើ Twitter បន្ទាប់ពីការបាញ់ប្រហារនៅទីក្រុង Bnei Brak ដែលជាទីក្រុងជ្រុលនិយមដោយនិយាយថា «អ៉ីស្រាអែលកំពុងប្រឈមមុខនឹងរលកនៃអំពើភេរវកម្មអារ៉ាប់ដែលសម្លាប់មនុស្សមិនចេះចប់»។

ការបាញ់ប្រហារនេះបានធ្វើឱ្យចំនួនអ្នកស្លាប់ដោយខ្មាន់កាំភ្លើងអារ៉ាប់ក្នុងប្រទេសអ៊ីស្រាអែលដល់ទៅ ១នាក់ក្នុងរយៈពេលមួយសប្តាហ៍កន្លងមក ដែលជាការកើនឡើងយ៉ាងខ្លាំងនៃការវាយប្រហារនៅតាមដងផ្លូវក្នុងទីក្រុងក្នុងរយៈពេលជាច្រើនឆ្នាំចុងក្រោយនេះ៕